Сумын ИТХ-аас Монгол Улсад ардчилсан шинэ Үндсэн хууль батлагдсаны 33 жилийн ой, ИТХ-ын ажлыг сурталчлах нэг сарын аяны хүрээнд сумын төсөвт байгууллагууд болон багуудын хооронд жил бүр уламжлал болгон зохион байгуулах ШИЛЖИН явах цомын төлөөх гар бөмбөгийн тэмцээн зохоин байгууллаа. Тэмцээнд нийт 9 баг оролцсоноос  1-р байр ЕБС-ийн 1-р баг- Шилжин явах цом, алтан медаль, өргөмжлөл, мөнгөн шагнал, 2-р байр Хан-Уул баг- мөнгөн медаль, өргөмжлөл, мөнгөн шагнал, 3-р байр Цахир баг - хүрэл медаль, өргөмжлөл, мөнгөн шагналаар, Цахир багийн тоглогч Г.Болдгэрэл- Шигдэг эрэгтэй тоглогч цом, мөнгөн шагнал, Жинс багийн тоглогч С.Ганчимэг Шилдэг эмэгтэй тоглогч цом, мөнгөн шагналаар тус тус шалгарч шагнагдлаа. Сумын ЕБС-ийн спорт заал ашиглалтанд орж хүүхэд залуучууд чөлөөт цагаа зөв боловсон өнгөрөөх таатай орчин бүрдэж байгаатай холбогдуулан ИТХ-ын Төлөөлөгчид, ажлын алба тус бүр 100.000 төгрөг, ИТХ-аас 500.000 төгрөг, нийт 2.800.000 төгрөгний үнэ бүхий онооны электрон самбар, 5 ширхэг бөмбөгийг ЕБС-д хандивлалаа. Мөн Архангай амьдрал сонины Цахир суман дахь сурвалжлагч Л.Ганхуягтай хамтран Үндсэн хуулийн тухай сургалтыг зохион байгуулав.